У цяперашні час у ім служаць каля 208 000 салдат. Ён заявіў, што інфармацыя, прадстаўленая апазіцыйнымі палітыкамі аб скарачэнні вайсковага прызыву, не адпавядае праўдзе.
Павелічэнне набору зафіксавана як у прафесійнай вайсковай службе, добраахвотным прызыве, так і ў войсках Тэрытарыяльнай абароны. Колькасць салдат на прафесійнай службе найбольшая ў найноўшай гісторыі польскай арміі — 144 тысячы чалавек.
Цэзары Томчык зазначыў, што гэта вынік рашэння ўрада Дональда Туска, які, сярод іншага, павысіў ліміт на колькасць салдат на добраахвотнай вайсковай службе. Намеснік кіраўніка Міністэрства нацыянальнай абароны абвясціў, што ў мінулым годзе лічба прызваных на службу салдат павялічылася на 13 тысяч.
— Рада Міністраў у 2024-м годзе павялічыла ліміт у чэрвені на 10 тысяч жаўнераў, і напрыканцы года яшчэ на 3 тысячы жаўнераў. Прэм'ер-міністр Дональд Туск абяцаў, што звольненыя салдаты змогуць аднавіцца на службе. На 2025-ы год мы запланавалі павелічэнне лімітаў на 5 тысяч салдат больш у параўнанні з тым, што планаваў папярэдні міністр Мар'юш Блашчак.
Чыноўнік дадаў, што ў гэтым годзе плануецца павелічэнне колькасці салдат яшчэ на 5000. Намеснік кіраўніка Міністэрства нацыянальнай абароны заявіў, што прэм'ер-міністр абвясціў, што салдаты, якіх звольнілі з арміі, змогуць вярнуцца на службу.
Міністр паведаміў, што ў канцы мінулага года ў параўнанні з 2023 годам колькасць салдат у шэрагах войск Тэрытарыяльнай абароны павялічылася на 2 тысячы чалавек.
ПР/юл